Հունիսի 6-7-ը մենք գնացինք Գյումրի։ Գյումրիի հյուրատուն հասնելուն պես բոլորս տեղավորվեցինք սենյակներում և դասավորեցինք մեր իրերըքք։ Մի քիչ հանգստանալուց հետո մենք գնացինք Գյումրին ուսումնասիրելու։

Սկզբում գնացինք Գյումրիի ժողովրդական ճարտարապետության, քաղաքային կենցաղի և ազգային ճարտարապետության թանգարան , որտեղ տեսանք կենցաղային բազում իրեր, ուսումնասիրեցինք բազում կենցաղային իրեր: Ինձ համար շատ հետաքրքիր էր տեսնել, թե ինչ տեսք են ունեցել ցածր, միջին և բարձր խավի ներկայացրցիչների տները: Մենք շատ հետաքրքրված և ոգևորված էինք, անընդհատ հարցեր էինք տալիս էքսկուրսավարին, ով էլ սիրալիր պատասխաններ էր տալիս: Թանգարանից անմիջապես հետո այցելեցինք Սուրբ Աստվածածին եկեղեցի, իսկ հետո գնացինք Պոնչիկ-Մոնչիկ։ Այդքան ժամանակ դրսում անցկացնելուց, Գյումրու նեղլիկ փողոցներով քայլելուց և ամեն մի ցածրիկ շենքով հիանալուց հետո գնացինք հյուրատուն: Այնտեղ ևս հետաքրքիր խաղերով զբաղվեցինք, շփվեցինք և էլ ավելի մտերմացանք մինյանց հետ: Հաջորդ օրը առավոտյան կրկին մեզ լեցուն օր էր սպասվում։ Ուժեր հավաքելուց հետո մենք ուղևորվեցինք Մհեր Մկրտչյանի թանգարան                      և Ավետիկ Իսահակյանի թանգարան, որտեղ մեզ շատ հետաքրքիր տեղեկություններ տվեցին: Շրջեցինք Գյումրիի քաղաքապետարանի մոտով, քայլեցինք Գյումրիի փողոցներով և գնացինք Սուրբ յոթ վերք եկեղեցին։ Նախքան Երևան ուղևորվելը, մի լավ զբոսնեցինք Գյումրիում և մեր հրապեշտը տվեցինք նրան:

Հունիսի 27-ին սկսվեց մեր ամառային ճամբարը: Օրը սկսեցինք միմյանց հետ ծանոթությամբ: Գնացինք խեցեգործության և սովորեցինք կավից իրեր պատրաստել: Ոմանք կավից պատրաստեցին ափսեներ, իսկ մի քանիսը էսկիզներ արեցին: Հետո գնացինք բասկետբոլի և մյ լավ մարզվեցինք: Մարզվելուց հետո գնացինք նախագիծ անելու: Մենք բաժանվեցինք խմբերի: Մեր խմբին հանձնարարվեց ուսումնասիրել հին Հայաստանի նախաքրիստոնեական հավատքի մասին:

10 փաստ մեր հայրաքաղաքի մասին, որ գուցե չգիտեք

1.Մինչև իր ներկայիս անվանումը ստանալը Գյումրին կոչվել է Կումայրի, Ալեքսանդրապոլ, Լենինական:

2.Գյումրին համարվում է Հայաստանի մեծությամբ 2-րդ քաղաքը՝ զիջելով միայն մայրաքաղաք Երևանին:

3.Գյումրու մասին ամենահին հիշատակությանը հանդիպում ենք Քսենոֆոնի «Անաբասիս» ստեղծագործության մեջ: Նա անցնելով Շիրակի դաշտավայրով, տեսել է, որ մարդիկ կավից մեծ կարասների մեջ ինչ-որ բան են պահում. դա պաղ ջուր է եղել, վրան էլ՝ գարի:

4. Գյումրիում է հիմնվել առաջին հայկական թատրոնը և ցուցադրվել առաջին օպերան:

5. Գյումրին արհեստավորների քաղաք է, խորհրդանշական է, որ յուրաքանչյուր արհեստ իր դրոշն է ունեցել:

6.Գյումրու 3 բերդերը՝ Սև , Կարմիր և Պայտաձև կանգուն են մինչև հիմա: Սև բերդից ստորգետնյա ուղիներ են կառուցվել դեպի Մայր Հայաստան և Կարմիր բերդ:

7.Քաղաքի յուրատեսակ խորհրդանիշներից են մետաղյա բաժակները, Գյումրու բարբառով՝ «մուշուրբաները»:

8.Գյումրիի եկեղեցիներից մեկը տեղացիք անվանում են «Պլպլան ժամ». ռուսների կողմից կառուցված այս եկեղեցու գմբեթը մետաղյա է և արևի բացվելուն պես սկսում է փայլել:

9.Գյումրու պատմական կենտրոնը զարդարող քարե սալիկները շարվել են փողոցներում 1940-ականներին` գերմանացի ռազմագերիների ձեռքով։

10. Հայաստանում գործող ամենահին վարսավիրանոցը, որը կառուցվել է 1941թ.-ին  մինչ օրս էլ ընդունում է իր հաճախորդներին: